Xərçəng diaqnozu qoyulan Baydenin son halı – FOTO
Dünya
17:43 / 19.05.2025
4794
ABŞ-ın keçmiş prezidenti Co Bayden ilk dəfə sümük toxumasına metastaz olan prostat xərçəngi diaqnozu qoyulması xəbərinə münasibət bildirib.
Sfera.az xəbər verir ki, keçmiş prezident bu barədə “X” hesabında paylaşım edib.
O, həyat yoldaşı Cil Bayden ilə şəklini paylaşaraq göstərilən dəstəyə görə təşəkkürünü bildirib.
"Xərçəng hər birimizə təsir edir. Bir çoxunuz kimi, Cil və mən də qırıldığımız yerdə ən güclü olduğumuzu öyrəndik. Bizi sevgi və dəstəyinizlə ayağa qaldırdığınız üçün təşəkkür edirik", - deyə Bayden yazıb.
Xatırladaq ki, ABŞ-ın keçmiş prezident Co Baydenə prostat xərçənginin aqressiv forması diaqnozu qoyulub. Məlumata əsasən, hazırda Baydenin müalicəsi ilə bağlı müxtəlif variantlar nəzərdən keçirilir.
