24 yaşlı Klaudiya Rozier adlı gənc qız dostundan gələn qəribə mesajla oyanıb. Məlum olub ki, onun İspaniyadan olan köhnə şəkli 82 milyon baxış toplayıb və internetdə yeni meme çevrilib.

Sfera.az bildirir ki, hekayə ilk olaraq “X” sosial şəbəkəsində (keçmiş Twitter) viral olub.

"Marbelladakı tətilimdən bir şəkil viral oldu. Mən məəttəl qaldım. Bu, iki il əvvəl çəkilmişdi və paylaşıldıqdan sonra da bu barədə düşünməmişdim".

Avropalılar haqqında mem

Şəkildə xanım Rozier və dostlarının İspaniya kurortunda günəşli meydanda pivə içərkən siqaret çəkdikləri əks olunub. "Amerika ağlı bunu dərk edə bilməz" - başlıqda deyilir.

Londondan olan çaşqın Klaudiya reaksiyasını bölüşmək və izahat istəmək üçün “TikTok”da paylaşım edib. O, qısa zamanda 1000-dən çox bəyənmə toplayan videosunda "Bu nə deməkdi? Bu təhqir yoxsa komplimentdir? Kimsə izah edə bilərmi? Başım çox qarışıqdır" - sualını verib.

Zaman keçdikcə qadın anlayıb ki, onun fotosu Avropa həyat tərzinin simvoluna çevrilib - ictimai yerlərdə açıq havada içki içmək və siqaret çəkmək, bir çox amerikalılar bunu qeyri-adi hesab edir.

"Amerika ağlı bunu başa düşə bilməz" memi, görünür, 2023-cü ildə internetdə yayılan orijinal "Avropa ağlı bunu başa düşə bilməz"in əks təsəvvürüdür. Hər iki şüar ABŞ və Avropa arasındakı mədəni fərqləri vurğulamaq üçün yumoristik şəkildə istifadə olunur.

Fransanın cənubunda böyüyən, lakin aktrisa kimi karyera qurmaq üçün 10 yaşında Londona köçən Klaudiya isə bu cür qəfil populyarlığından məmnundur.

Aynil

Yuxudan oyandı və bütün internetin onun tətil fotosuna güldüyünü gördü