Tramp 30 kilodan belə qurtulub - Pizza, "Oreo" yeyirmiş...

ABŞ Prezidenti Donald Trampın son illər ərzində 30 kiloqrama yaxın arıqlayıb. Bu, cəmiyyət tərəfindən də maraqla qarşılanıb. Ən çox diqqətçəkən məqam isə Trampın pəhriz qaydası olub.

Sfera.az xəbər verir ki, “Fox New”un aparıcısı Şon Hanniti Səhiyyə və İnsan Xidmətləri Katibi Robert F. Kennedi Jr ilə müsahibə zamanı prezidentin pəhriz hiyləsini açıqlayıb.

Belə ki, Tramp McDonald's hamburgerlərinin, xüsusən də “Quarter Pounder”ın məşhur pərəstişkarıdır. O, həmçinin yaxşı hazırlanmış bifştekslərdən, “Oreo” peçenyelərindən həzz alır və gündə onlarla “Diet Cokes” içib.

Lakin o, ötən il prezidentlik kampaniyasının qızğın vaxtında 13 kq arıqlamağı bacarıb. Trampın özü bildirib ki, o, öz üzərində işləyir və o qədər məşğuldur ki, yeməyə vaxtı yoxdur. Sağlam qidalanan və alkoqoldan qaçan birinci xanım Melaniya Tramp da prezidentə arıqlamaqda kömək edib.  

Hanniti bildirib ki, hazırda, Tramp burger yeyəndə adətən çörəyini yemir.

Qeyd edək ki, ABŞ lideri fastfud sevsə də, siqaret çəkmir və içki içmir.

Firuzə Əliyeva
Sfera.az