Tramp: "Onlar nüvə silahına sahib ola bilməyəcəklər"

İran ABŞ-lə nüvə məsələsində saziş bağlamağa yaxındır.
 

Sfera.az xarici mediya istinadən xəbər verir ki, bu barədə ABŞ Prezidenti Donald Tramp bildirib.

Trampın sözlərinə görə, İran gələcək razılaşmanın şərtləri ilə müəyyən qədər razılaşıb: “Onlar nüvə silahına sahib ola bilməyəcəklər".

Eyni zamanda prezident “İranın böyük ölkə olaraq qalmasını” istəyir. 

Bundan əvvəl İranın ali dini liderinin müşaviri Əli Şamxani bildirib ki, Tehran müəyyən şərtlər daxilində və Vaşinqtonun iqtisadi sanksiyaları ləğv etməsi müqabilində ABŞ ilə nüvə enerjisi üzrə saziş imzalamağa hazırdır.

“O, İranın heç vaxt nüvə silahı yaratmayacağını, silah istehsalı üçün istifadə oluna bilən yüksək zənginləşdirilmiş uran ehtiyatlarından qurtulacağını və uranın yalnız dinc məqsədlər üçün lazım olan daha aşağı səviyyələrdə zənginləşdirilməsinə razı olacağını öhdəsinə götürəcəyini bildirib”, - bəyanatda deyilir.

Bazar günü Omanda ABŞ və İran arasında dolayı danışıqların dördüncü raundu keçirilib. İran və Amerika nümayəndə heyətlərinə İranın xarici işlər naziri Abbas Əraqçi və ABŞ prezidentinin xüsusi nümayəndəsi Stiv Vitkoff başçılıq ediblər. İranın diplomatik missiyasının rəhbəri bir sıra güzəştlərə getməyə hazır olduğunu, tərəflərin danışıqları davam etdirməyə razılaşdıqlarını açıqlayıb.

Fidan Hacızadə
Sfera.az