Putin Ukrayna ilə danışıqlar üçün görüş keçirdi
Rusiya Prezidenti Vladimir Putin Ukrayna tərəfi ilə qarşıdakı danışıqlara hazırlıq üçün görüş keçirib.
Sfera.az xəbər verir ki, bu barədə mətbuat katibi Dmitri Peskov jurnalistlərə bildirib.
O qeyd edib ki: “Nümayəndə heyətimizin İstanbula yola düşməsi ərəfəsində prezident Putin Ukrayna tərəfi ilə qarşıdakı danışıqlara hazırlıqla bağlı dünən axşam saatlarında görüş keçirib”.
“İclasda dövlət başçısının müvafiq sərəncamı ilə müəyyən edilmiş Rusiya danışıqlar qrupunun üzvlərindən əlavə, xarici işlər naziri Sergey Lavrov, müdafiə naziri Andrey Belousov, Rusiya Milli Qvardiyasının rəhbəri Viktor Zolotov, Təhlükəsizlik Şurasının katibi Sergey Şoyqu, Baş Qərargah rəisi Valeri Gerasimov, FTX rəhbəri Aleksandr Bortni iştirak ediblər”,- Peskov deyib.
"Həmçinin xüsusi hərbi əməliyyat zonasında olan bütün qrupların komandirləri görüşdə olublar", - dövlət başçısının mətbuat katibi əlavə edib.
Fidan Hacızadə
Sfera.az
