Çəkisi 10 karatdan çox olan nadir mavi almaz 21 milyon dollara satıldı
Cenevrədəki auksionda nadir mavi brilyant satılıb.
Sfera.az bildirir ki, 10,3 karat ağırlığında "Aralıq dənizi mavisi" adlı unikal mavi almaz hərracda 21 milyon dollara satılıb. Əvvəllər 20 milyon dollar dəyərində olan daş 17,9 milyon İsveçrə frankı (21,5 milyon dollar) müqabilində ABŞ-ın özəl kolleksiyaçısına satılıb.
Tender 9 milyon İsveçrə frankı (təxminən 10,8 milyon dollar) dəyərində başlayıb və lot yeni sahibinə keçməzdən əvvəl iştirakçılar arasında əsl davaya çevrilib. Alıcının adı açıqlanmayıb.
Hərrac evinin məlumatına görə, “Aralıq dənizi mavisi” Cənubi Afrikadakı əfsanəvi Cullinan mədənlərində bu yaxınlarda çıxarılan yeni bir daşdır. 2024-cü ilin martında ilk elanından bəri almaz peşəkar ictimaiyyətdə böyük həyəcana səbəb olub.
Cenevrədəki son nümayişindən əvvəl qiymətli daş keçən ay “Sotheby's”in Əbu-Dabidəki debüt sərgisinin bir hissəsi olub. Orada o, ümumi dəyəri 100 milyon dollardan çox olan yeddi digər "qeyri-adi" brilyant və daş-qaşla birlikdə nümayiş etdirilib.
Cenevrədəki hərrac zamanı “Sotheby's”in Şimali Amerika, Avropa və Yaxın Şərqdəki zərgərlik departamentinin rəhbəri Quig Bruning auksionçu kimi çıxış edib və “Aralıq dənizi mavisini "mövsümün mübahisəsiz müəyyən edən daşı" adlandırıb. Quig vurğulayıb ki, bu, “Sotheby's”də satılan ən yaxşı mavi brilyantlardan biridir.
Bununla belə, Avropanın ən böyük onlayn brilyant zərgərlik şirkətlərindən biri olan “77 Diamonds”ın rəhbəri Tobias Kormind sövdələşmənin gözlənildiyi qədər təsir edici olmadığını bildirib. Onun sözlərinə görə, qiymət ilkin təxminlərdən yüksək olsa da, ümumi iqtisadi qeyri-müəyyənlik, xüsusən də ABŞ və Çin arasındakı ticarət gərginliyi alıcılara təsir göstərib.
Aysel
