ABŞ bu silahlara görə 1 trilyon dollar xərcləyəcək
ABŞ hökuməti, qarşıdakı on il ərzində nüvə silahlarının idarə olunması, saxlanması və modernləşdirilməsi üçün təxminən 1 trilyon dollar vəsait xərcləyəcək. Bu məbləğ ölkənin ümumi müdafiə xərclərinin 12 faizinə bərabər olacaq.
Sfera.az xəbər verir ki, ABŞ Konqresinin Büdcə İdarəsinin yaydığı hesabatda bildirilir ki, Müdafiə və Energetika nazirliklərinin 2025–2034-cü illəri əhatə edən planları çərçivəsində bu sahəyə ümumilikdə 946 milyard dollar ayrılması nəzərdə tutulur.
Bu isə illik orta hesabla 95 milyard dollarlıq büdcə deməkdir.
Mütəxəssislər hesab edirlər ki, bu artım, nüvə başlıqlı raketlər üçün yeni siloslara olan ehtiyac və nüvə sualtı qayıqları kimi bahalı hərbi sistemlərin yenilənməsi ilə bağlıdır.
Yeni layihələrin maliyyə yükü ABŞ Müdafiə Nazirliyinin qarşıdakı on ildə həyata keçirəcəyi bütün hərbi alışların təxminən 12 faizini təşkil edəcək. Bu, son illərin ən böyük müdafiə sərmayələrindən biri kimi qiymətləndirilir.
Bəsti Rəfizadə
Sfera.az
