Bir xəstəxanada 14 tibb bacısı eyni anda hamilə qaldı - FOTO
Viskonsin ştatında bir xəstəxanada qeyri-adi və komik vəziyyət yaranıb. Belə ki, bir şöbənin 14 əməkdaşı demək olar ki, eyni vaxtda hamilə olduqlarını bildirib. Heyrətamiz hekayə xəstələrin diqqətini çəkib və tibb müəssisəsinin rəhbərliyini sevindirib.
Sfera.az bildirir ki, ABŞ-ın Viskonsin ştatındakı HSHS St. Vincent Hospitalının doğum şöbəsi işçilərinin təxminən eyni vaxtda hamilə qalması xəstəxanada böyük səs-küyə səbəb olub. Maraqlıdır ki, tibb bacılarının vəziyyəti artıq müalicə alan xəstələr tərəfindən də izlənilir.
Qadın və Yenidoğulmuşların Sağlamlığı Mərkəzinin direktoru Emi Bardon qeyri-adi vəziyyətlə bağlı təəssüratlarını bölüşüb: “Hər bir həmkarımız adına çox şadam”. O, həmçinin vurğulayıb ki, onlardan bəziləri ilk dəfə ana olacaq və peşəkar fəaliyyətləri sayəsində artıq körpələrə qulluq haqqında kifayət qədər biliklərə malikdirlər.
Xəstəxana rəhbərliyi bildirib ki, bütün hamilə işçilərə layiq olduqları qayğı göstərilib və iş yerində mütəmadi olaraq müayinədən keçirlər.
"Gələcək tibb bacılarımız körpələrini qarşılamağa hazır olduqda, onlara burada HSHS St. Vincent Xəstəxanasında dostları və həmkarları baxacaqlar. Onlar bunu xüsusi rahatlıq və dəstək hesab edirlər" - deyə Bardon bildirib.
Aynil
