Amerikalı aktrisa ikinci dəfə ana oldu: Əkiz uşaq dünyaya gətirdi - FOTOLAR
Amerikalı aktrisa şad xəbəri İnstaqram səhifəsində paylaşaraq bir oğul və bir qız dünyaya gətirdiyini açıqlayıb.
Hollivud aktrisası və Conni Deppin keçmiş həyat yoldaşı Ember Herd ikinci dəfə ana olub. “Akvamen” ulduzu əkiz uşaq dünyaya gətirib.
Sfera.az bildirir ki, analar günündə aktrisa əkiz uşaq dünyaya gətirdiyini açıqlayıb.
"Çoxdankı məqsədimə - böyük ailəyə nail olduğumu anlayanda keçirdiyim hissləri, sevinci sözlər ifadə edə bilməz" - deyə aktrisa yazıb.
Ember qıza Aqnes, oğlana isə Okean adını verib.
İndi Herd üç uşaq anasıdır. Onun ilk övladı - qızı Una Peyc dörd il əvvəl surroqat ana vasitəsilə dünyaya gəlib.
"Oğlum Okean və qızım Aqnes əllərimi tutur və ürəyim sevgi ilə doludur. Una doğulanda dünyam həmişəlik dəyişdi. İndi isə mən üç dəfə daha xoşbəxtəm!" - deyə aktrisa paylaşıb.
O, həmçinin analığa gedən yolun, xüsusən də uzun müddətdir doğuşla bağlı problemlərini nəzərə alaraq, asan olmadığını, lakin hər şeyə görə minnətdar olduğunu vurğulayıb.
Qeyd edək ki, Ember Herd Conni Depp ilə evli olub. Cütlük 2015-2017-ci illərdə evli idi və 2022-ci ildə qalmaqallı məhkəmə prosesi ilə bütün dünyanın diqqət mərkəzində qalıb. Qalmaqallı məhkəmə və itkilərdən sonra aktrisa daha sakit həyat sürmək üçün İspaniyanın Madrid şəhərinə köçüb. O, şəxsi həyatını gizli saxlayır və son illərdə heç kimlə uzunmüddətli münasibətdə görünmür.
Aynil
