"Moskva və Kiyev arasında danışıqları dəstəkləyirik" - Çin XİN

Çin Ukraynada sülhə nail olmaq üçün bütün təşəbbüsləri, xüsusən də Moskva və Kiyev arasında danışıqlar təklifini dəstəkləyib.

Sfera.az “Global Times”nəşrinə istinadən xəbər verir ki, bu barədə Çin Xarici İşlər Nazirliyinin sözçüsü Lin Jian Rusiya Prezidenti Vladimir Putinin Ukrayna ilə birbaşa danışıqlar təklifini şərh edərkən deyib. 

"Biz sülhə nail olmaq üçün bütün səyləri dəstəkləyirik", - diplomat bildirib.

Lin Jian əlavə edib ki, “münaqişə tərəfləri hər iki tərəf üçün məqbul olan ədalətli, davamlı sülh sazişinin əldə edilməsi üçün dialoq və danışıqları davam etdirəcəklər”.
Putin mayın 15-də İstanbulda Ukrayna ilə ilkin şərt olmadan birbaşa danışıqları bərpa etməyi təklif edib.

Fidan Hacızadə
Sfera.az