Zelenski sülh çağırışı etdi, Rusiya Ukraynanı vurdu
Ukrayna Prezidenti Volodimir Zelenski Rusiya prezidenti Vladimir Putini görüşə çağırdıqdan bir neçə saat sonra Moskva Ukraynaya qarşı PUA-larla hücumlarını bərpa edib.
Sfera.az “İndependent” nəşrinə istinadən xəbər verir ki, Ukrayna Dəmir Yolları (Ukrzaliznitsia) bu səhər Rusiya PUA-larının hücumuna məruz qalıb. Hücum nəticəsində maşinist yaralanıb.
Dəmir yollarının Teleqram kanalında bildirilib ki, atəşkəs təkliflərinə məhəl qoyulmur, dəmir yolu infrastrukturuna hücumları davam edir.
Xatırladaq ki, Prezident Zelenski İstanbulda Rusiya prezidenti ilə görüşməyə və müharibəyə son qoymaq üçün danışıqlara hazır olduğunu bildirib:
“Qətlləri uzatmağın mənası yoxdur. Mən Putini cümə axşamı Türkiyədə gözləyəcəm. Şəxsən özüm”.
Fidan Hacızadə
Sfera.az
