Məşhur türkiyəli aktyorlar Halit Ergenç və Rıza Kocaoğlu menecer Ayşe Barıma qarşı aparılan istintaqda yalan ifadə verdiyi iddiası ilə hər biri 4 ilə qədər həbs tələbi ilə hakim qarşısına çıxacaq.

Sfera.az xəbər verir ki, “ID Communication Consultancy”nin qurucu ortağı və meneceri Ayşe Barım yanvarın 27-də İstanbul Baş Prokurorluğunun Gəzi Parkı ilə bağlı apardığı araşdırmalar çərçivəsində “Türkiyə Cümhuriyyəti hökumətini devirmək və ya öz vəzifələrini yerinə yetirməsinə mane olmaq cəhdinə köməklik etmək” ittihamı ilə həbs edilib.

Barım həbsdə olarkən şahid kimi ifadə verən aktyorlar Halit Ergenç və Rıza Kocaoğlu haqqında “yalan şahidlik” cinayəti ilə istintaq başladılıb.

İki məşhur aktyor bu gün ilk dəfə hakim qarşısına çıxacaq, onların hər biri yalan ifadə verməkdə ittiham olunaraq 4 ilə qədər həbs cəzası gözləyir.

Ayşe Barıma qarşı hazırlanan və 30 ilə qədər həbs cəzası tələb edən ittihamnamə bu günlərdə qəbul edilib. Barım iyulun 7-də “hökumət çevrilişinə cəhdə köməklik etmək” ittihamı ilə ilk dəfə hakim qarşısına çıxacaq.

İstanbul Respublika Prokurorluğu tərəfindən hazırlanan iddianaməyə görə, Ayşe Barımın Gəzi Parkı əsas məhkəməsinin qaçaq şübhəlisi Memet Ali Alabora ilə lent yazıları və əlaqə saxladığı müəyyən edilib.

Prokuror Ayşe Barım barəsində başladılan istintaq çərçivəsində məşhur aktyorlar Halit Ergenç və Rıza Kocaoğlunu açıq mənbəli istintaq hesabatlarına və digər dəlillərə baxaraq “şahid” kimi ifadə verməyə çağırıb.

Memet Ali Alabora ilə görüşmədiklərini bildirən Rıza Kocaoğlu və Halit Ergençin ifadələrinin ziddiyyətli olduğu ortaya çıxanda bu dəfə “yalançı ifadə” cinayəti ilə bağlı istintaq başladılıb.

Halit Ergenç şahid olaraq verdiyi ifadəsində qısaca olaraq "Məndən ifadə verməyimi istədiyiniz hadisəni anlayıram. Memet Ali Alabora adlı şəxsi konservatoriyada oxuduğum illərdən tanıyıram. Heç bir yaxınlığım yoxdur" deyib.

Rıza Kocaoğlu isə "O dövrdə sənətçi olaraq kollektiv bir fəaliyyətə girməmişdik. Memet Ali Alaboranı sənət ictimaiyyətindən tanıyıram, amma o zaman və indi də telefon əlaqəmiz yoxdur" ifadəsini verib.

Yalan ifadə istintaqı zamanı fayla daxil edilən mobil cihazın HTS qeydlərinə görə, Halit Ergenç Memet Ali Alabora ilə 12 dəfə əlaqə saxlayıb. Rıza Kocaoğlu Alabora ilə bir dəfə ünsiyyət qurub və üç adın telefonları 3 dəfə ortaq bazanı paylaşıb.

1 yanvar 2013-cü il və 1 sentyabr 2013-cü il tarixləri arasında Gəzi Parkı dövrünü əhatə edən HTS-Baza araşdırması zamanı Ergenç və Kocaoğlunun bir-birləri ilə bir əlaqəsi olduğu müəyyən edilib.

Rıza Kocaoğlunun Memet Ali Alabora ilə 31 may 2013-cü ildə bir dəfə, Halit Ergençin Alabora ilə 2013-cü ilin fevral ayında iki dəfə, may ayında bir dəfə, Gəzi hadisələrinin başlama tarixi olaraq bilinən 1 iyun 2013-cü ildə 7 dəfə və eyni ayda iki dəfə, cəmi 9 dəfə əlaqə saxladığı qeyd edilib.

Açıq mənbələrə də istinad edilən iddianamədə Rıza Kocaoğlu və Halit Ergençin Gəzi Parkı etirazları zamanı Memet Ali Alabora ilə telefon danışıqlarının intensivləşdiyi dövrdə qol-qola gəzişmələrinin fotoları və görüntüləri ilə bağlı hesabat hazırlandığı bildirilib.

Halit Ergenç və Rıza Kocaoğluna 4 ilə qədər HƏBS TƏLƏBİ - VİDEO