Hindistan-Pakistan münaqişəsində günahkar Rusiyadır? - AÇIQLAMA

Rusiya-Ukrayna müharibəsi müharibə yalnız Avropada deyil, digər geosiyasi bölgələrdə də güc balansını dəyişdirərək müxtəlif tərəflərin daha sərt mövqelər nümayiş etdirməsinə yol açıb. Belə gərginlik ocaqlarından biri də Cənubi Asiyada Hindistan və Pakistan arasında müşahidə olunur.

Maraqlıdır, bəs Rusiya-Ukrayna müharibəsi son 3 ildə baş verən regional konfliktlərin alovlanması üçün şərait yaradıbmı?

Bununla bağlı Sfera.az-a açıqlama verən politoloq Əziz Əlibəyli Qərb və Rusiya arasındakı gərgin atmosferin Avropada müharibəyə səbəb olduğunu deyib. 
Onun sözlərinə görə, bu hadisəni biz bir prosesin davamı kimi qiymətləndirə bilərik yəni həmin gərginlik tezliklə Amerika və Çin arasındakı ziddiyyətlərə çevrildi:

“Bu ziddiyyətlərin də öz coğrafiyası Cənubi Asiyadır. Bu bölgədə isə proses Hindistan–Pakistan qarşıdurmasına doğru istiqamətlənir. Hindistan-Pakistan qarşıdurması yalnız regional xarakter daşımır. Bu, sırf iki dövlət arasında yaşanan münaqişədən daha geniş miqyaslıdır. Belə olmasının əsas səbəbi bölgədə Çin, Rusiya və Amerikanın maraqlarının toqquşmasıdır. Hər birinin bu coğrafiyada öz strateji hədəfləri mövcuddur”.

Fidan Hacızadə
Sfera.az