Amerika Birləşmiş Ştatlarında altmış ildən artıqdır itkin düşən 82 yaşlı Odri Beykberq tapılıb. Məlum olub ki, o, ərinin törətdiyi məişət zorakılığından qaçıb.

Sfera.az bildirir ki, Viskonsin ştatından olan Audrey Backeberg (Odro Bekberq) 1962-ci ildə 20 yaşında ikən itkin düşüb. Qadın yun fabrikində işləyirmiş və maaşını almaq üçün evdən çıxıb. Odri və iki övladının 14 yaşlı dayəsi avtostopla Madison şəhərinə gedib və orada İndiana, İndianapolisə avtobus tutublar. Lakin qız əsəbiləşib və evə qayıtmaq qərarına gəlib. O, Bekberqi sonuncu dəfə avtobus dayanacağının küncündə gəzərkən görüb.

Qeyd olunur ki, Odri 15 yaşında Ronald Bekberqlə evlənib və onun evliliyi bədbəxt olub. İtkin düşməzdən bir müddət əvvəl qadın ərinin onu döydüyünü və öldürməklə hədələdiyini iddia edərək polisə şikayət edib.

Müstəntiqlər həmin vaxt qadını tapa bilməyiblər. Lakin 2025-ci ilin əvvəlində onun işi yenidən açılıb və polislər mövcud materialları və sübutları yenidən qiymətləndirmək, həmçinin şahidləri yenidən dindirmək qərarına gəliblər.

Bu dəfə artıq 82 yaşı olan Odri Bekberq tapılıb. O, öz dövlətindən kənarda olub. Detektiv İsaak Henson, itkin düşən qadının bacısının Ancestry.com şəcərə saytındakı hesabının istintaqa kömək etdiyini bildirib.

"Bu, ölüm qeydlərinin, siyahıyaalma hesabatlarının və digər məlumatların tapılmasında əsas amil oldu. Nəhayət, bir ünvan tapdıq və mən yerli şerif şöbəsinə zəng edib dedim: "Bu ünvanda bir qadın yaşayır. "Sizdə onunla görüşə biləcək kimsə varmı?" - deyə detektiv bildirib.

On dəqiqə sonra Odri Hansona zəng edib və onlar 45 dəqiqə danışıblar.

"Düşünürəm ki, o, sadəcə geri çəkilib, hər şeydən uzaqlaşıb, öz işini görməyə və öz həyatını yaşamağa başlayıb. O, xoşbəxt görünürdü, öz qərarından əmin idi"- deuə Henson əlavə edib.

Aysel

60 il əvvəl məişət zorakılığından qaçan qadın tapıldı - FOTO