Hindistan Pakistan mallarını boykot etdi

“Pakistan mənşəli və ya bu ölkədən ixrac edilən bütün malların birbaşa və ya dolayı yolla idxalı, tranzit keçidi və azad idxal rejiminə daxil olub-olmamasından asılı olmayaraq ikinci bir göstərişədək qadağan edilir”.

Sfera.az xəbər verir ki, bu barədə Hindistan Ticarət Nazirliyi tərəfindən məlumat yayılıb.

Bəyanatda bildirilib ki, qadağa dərhal qüvvəyə minir və bu qərar “milli təhlükəsizlik və dövlət siyasəti” zərurətindən irəli gəlir.

Yeni Dehli rəhbərliyi, eyni zamanda, Pakistanla hava və quru yolu vasitəsilə göndərilən bütün poçt və yüklərin qəbulunun dayandırıldığını, Pakistan bayrağı altında üzən gəmilərin Hindistan limanlarına girişinə və Hindistan bayraqlı gəmilərin Pakistan limanlarını ziyarət etməsinə qadağa qoyulduğunu açıqlayıb.