Cammu və Kəşmir sakinlərinə çağırış: "Ərzaq yığın"
Azad Cammu və Kəşmirin baş naziri Çaudri Ənvarul Haq Hindistanla faktiki sərhədə (LoC) yaxın bölgələrdə yaşayan əhalini iki aylıq ərzaq ehtiyatı saxlamağa çağırıb.
Sfera.az “The Daily Star” nəşrinə istinadə xəbər verir ki, Baş nazir məclisdə çıxışı zamanı aprelin 22-də Cammu və Kəşmirdə baş verən terror hücumunun təsirlərinə toxunaraq, bölgədə vəziyyətin gərginləşdiyini bildirib.
O qeyd edib ki, son 13 ayda ərzaq təminatında fasilələr yaşanıb və bu, sərhədə yaxın əhali üçün ciddi risklər yaradıb.
Çaudri Ənvarul Haq əlavə edib ki, yerli hökumət tərəfindən ərzaq, dərman və digər əsas ehtiyacların qarşılanması məqsədilə 1 milyard rupi (təxminən 3,5 milyon dollar) məbləğində təcili yardım fondu yaradılıb.
Hazırda bölgədə təhlükəsizlik tədbirləri gücləndirilir və vəziyyət diqqətlə izlənilir.
Fidan Hacızadə
Sfera.az
