Elvis Preslinin çox qeyri-adi "Cadillac"ı Fransada satışa çıxarılıb. Nəhəng çəhrayı avtomobil gitaraya bənzəyir.

Sfera.az bildirir ki, “Autoevolution” saytında Elvis Preslinin orijinal avtomobili haqqında məlumat verilib.

Elvis Presli bir "Cadillac” həvəskarı olub və həyatı boyu 200-dən çox bu modeldən atomobil alıb. Təəccüblü deyil ki, məhz “Cadillac” Rok-n-Roll kralının konsertləri üçün xüsusi şou avtomobilinə çevrilmək üçün seçilib.

Satışa çıxarılan avtomobil 1970-ci il istehsalı olan “Cadillac Eldorado”nun əsasında hazırlanıb. Əsas 1970-ci ilin “Cadillac Eldorado” kupesidir. Maşın iki il işlənib.

Ekstravaqant layihəni məşhur amerikalı fərdiləşdirici Cey Oberq həyata keçirib. O, Tim Burtonun filmləri üçün Batmobilin, həmçinin "Çəhrayı Pantera", "Çakmaqdaşlar" və "Cəngavər Atlı" filmlərindən avtomobillərin müəllifidir.

Avtomobilin uzunluğu 12,5 m-ə çatır

“Cadillac Eldorado” 12,5 metrə qədər uzadılıb və təkərli nəhəng çəhrayı gitara çevrilib. Əslində, “Cadillac Eldorado”dan yalnız ön hissəsi qalıb, yeni kuzov isə fiberglasdan hazırlanıb. 400 at gücünə malik nəhəng 8,2 litrlik V8 və 3 pilləli avtomatik transmissiya dəyişməz olaraq qalıb.

Avtomobilə ictimai yollarda icazə verilir və hətta dövlət nömrə nişanları da alıb, lakin Elvis Presli yalnız bir dəfə - Las-Veqasda konsertə gələndə gitara sükanı arxasına keçib.

Hazırda Elvis Preslinin unikal avtomobilinin vəziyyəti çox arzuolunandır – onun bərpaya ehtiyacı var. Buna görə də eBay-də o, cəmi 10.000 avro dəyərində qiymətləndirilib.

Yeri gəlmişkən, qeyd edək ki, bu yaxınlarda Ralph Laurenin nadir “Ferrari” avtomobili 7,5 milyon dollara hərraca çıxarılıb.

Aysel

Təkərli Gitara: Elvis Preslinin ən qeyri-adi avtomobili satılır - FOTO