Hindistan hökuməti Pakistanın müdafiə nazirinin hesabını blokladı
14:56 / 30.04.2025
3244
Hindistan hökuməti Pakistanın müdafiə naziri Xavaca Məhəmməd Asifin X sosial media platformasındakı hesabını bloklayıb.
Sfera.az “Anadolu Ajansı”na istinadən xəbər verir ki, bu addım Cammu və Kəşmirin Pahalqam rayonunda törədilən terror aktından sonra atılıb.
Hökumət bununla yanaşı, “Dawn” və “Geo News” da daxil olmaqla, Pakistanın 16 aparıcı media təşkilatının YouTube kanallarına da girişə məhdudiyyət qoyub.
Rəsmi qurumlar Pakistanın müdafiə nazirinin hesabının bloklanmasını Cammu və Kəşmirdəki terror hücumu ilə əlaqəsi olduğu ehtimalı ilə əsaslandırıblar.
Fidan Hacızadə
Sfera.az
