Böyük Britaniya bu şəxslərə sığınacaq verməyəcək

Böyük Britaniya hökuməti cinsi cinayətlərə görə məhkum olunmuş insanlara sığınacaq verməkdən imtina etmək niyyətindədir.

Sfera.az xəbər verir ki, bu barədə Böyük Britaniya Daxili İşlər Nazirliyinin saytında yazılıb.

"Cəmiyyətimiz üçün təhlükə yaradan təcavüzkarlar Böyük Britaniyanın qaçqınların müdafiəsi proqramından faydalanmamalıdır. Biz bu dəhşətli cinayətlərin ciddiyə alınmasını təmin etmək üçün qanunu gücləndirəcəyik", - Böyük Britaniyanın daxili işlər naziri İvet Kuper bildirib.

“Yeni tədbirlər qadınları və uşaqları cinsi istismardan qorumaq üçün lazımdır”,- departament aydınlaşdırıb. 

Statistikaya əsasən, təkcə 1997-2013-cü illər arasında təxminən 1400 uşaq cinsi zorakılıqdan əziyyət çəkib, cinayətlər əsasən Pakistandan olan insanlar tərəfindən törədilib. Hazırda Birləşmiş Krallıqda sığınacaq verilməsi prinsipləri terrorçuların, hərbi cinayətkarların və xüsusilə ağır cinayətlərə görə məhkum edilmiş şəxslərin sığınacaq tələblərinin rədd edilməsini nəzərdə tutan Qaçqınlar Konvensiyasının müddəalarına əsaslanır. Böyük Britaniya minimum bir il həbs cəzası nəzərdə tutan istənilən cinayəti "xüsusilə ağır" hesab edir.

Təklif olunan qanunvericilik dəyişiklikləri xüsusilə cinsi cinayətlərə görə məhkum edilmiş şəxslərə sığınacaq verilməsindən imtina imkanını təmin edəcək. Müəyyən edilib ki, hər bir müraciətə ayrıca baxılacaq və səlahiyyətlilər cinayətin ciddiliyini və Böyük Britaniya sakinləri üçün potensial təhlükəni qiymətləndirəcəklər.

Firuzə Əliyeva
Sfera.az