Amerikada bu tip görüntüləri paylaşanlar həbs ediləcək
ABŞ Nümayəndələr Palatası şəxsin razılığı olmadan süni intellekt vasitəsilə yaradılan cinsi məzmunlu saxta “deepfake” görüntülərin internetdə paylaşılmasını federal cinayət kimi tanıyan qanun layihəsini qəbul edib.
Sfera.az "NTV"yə istinadən xəbər verir ki, parlamentdə səsvermə zamanı qanun layihəsinin leyihə 409, əleyhinə 2 səs verilib.
Bu qanun layihəsini ABŞ prezidentinin həyata yoldaşı Melania Tramp da dəstəkləyib.
Yeni qanun şəxsi razılıq olmadan yayılan bu tip materialların sosial media və digər onlayn platformalardan zərərçəkmişlərin müraciəti ilə 48 saat ərzində silinməsini məcburi edir.
Qanun layihəsi fevral ayında Senatda da qəbul olunub. Onun qüvvəyə minməsi üçün indi yalnız Prezident Donald Trampın imzası qalır. Tramp isə mart ayında bu qanun layihəsinə dəstək verəcəyini açıqlamışdı.
Donald Trampın həyat yoldaşı Melania Tramp çıxışında bildirib ki, rəqəmsal məkanda artan bu cür pozucu davranışlar uşaqlara, ailələrə və bütövlükdə cəmiyyətə mənfi təsir göstərir. O, qanun layihəsinin dəstəklənməsinin vacibliyini vurğulayıb.
Bəsti Rəfizadə
