Trampın impiçmenti ilə bağlı təklif Nümayəndələr Palatasındadır
ABŞ Prezidenti Donald Trampın impiçmenti ilə bağlı təklif Nümayəndələr Palatasına daxil olub.
Sfera.az xəbər verir ki, bu barədə Miçiqan konqresmeni Şri Tanedar sosial şəbəkədə məlumat verib.
"Mən prezident Trampa qarşı impiçment maddələri təqdim etmişəm. Tramp Konstitusiyaya, Konqresə və məhkəmələrə məhəl qoymur, Amerika üçün mübarizə aparmır. O, Amerikanı məhv edir və demokratiyamızı təhlükə altına qoyur", - konqresmen yazıb.
Tanedar deyib ki, o, Trampı bir sıra ciddi qanun pozuntularında ittiham edərək, 7 impiçment maddəsi qaldırıb. Ona qarşı irəli sürülən ittihamlar arasında Kilmar Abreqo Garcianın deportasiyası da var, Tanedar bunun səhvən El Salvadora göndərildiyini deyib.
Konqresmen həmçinin Trampı Konqresin təsdiqi olmadan Hökumətin Səmərəliliyi Departamenti (DOGE) vasitəsilə ayrı-ayrı dövlət qurumları üçün büdcə xərclərini qanunsuz olaraq azaltmaqda ittiham edir.Tanedar impiçment üçün digər əsaslar arasında Trampın beynəlxalq iqtisadiyyata ziyan vuran aqressiv tarif siyasətini, medianın sıxışdırılmasını, ABŞ Konstitusiyasının Birinci Düzəlişinin pozulmasını (söz azadlığının təminatı), rüşvətxorluğu, məhkəmələrin işinə müdaxiləni və vətəndaşların şəxsi məlumatlarının qeyri-qanuni toplanması kimi faktları göstərib.
/Firuzə Əliyeva
