“Titanik”dən sağ çıxan sərnişinin məktubu 400 min dollara satıldı - FOTOLAR

“Titanik”dən sağ çıxan sərmişinlərdən birinin yazdığı məktub Wiltshire əyalətində “Henry Aldridge and Son of Devizes” hərracında rekord qiymətə satılıb. Bu, gözlənilən qiymətdən beş dəfə çox (300.000 funt (400.000 dollar) olub.

Sfera.az bildirir ki, 10 aprel 1912-ci il tarixli məktub açıqcası birinci dərəcəli sərnişin, polkovnik Archibald Qreysiyə məxsus olub. O, həmçinin 1500-dən çox insanın həyatına son qoyan faciəni təfərrüatlandıran “Titanik haqqında həqiqət” kitabının müəllifidir.

Qreysi məktubunda gəmi haqqında təmkinli danışıb və poçt markaları kartın gəmiyə minmə günü göndərildiyini göstərir. 

Hərracçılar bunun "Titanik"in göyərtəsində yazılmış məktub üçün ödənilən ən yüksək qiymət olduğunu bildiriblər. Onlar deyirlər ki, bu cür lotlar çox nadirdir. 

Maraqlıdır ki, məktub satıcının böyük əmisinə ünvanlanıb və Londondakı Waldorf otelinə çatdırılıb. Kartın dörd tərəfini tutur və isti minnətdarlıq sözlərini ehtiva edir.

Polkovnikin özü fəlakət baş verən gecə qadınların və uşaqların xilasedici qayıqlara minməsində fəal köməklik edib. O, özü də aşmış qayığa çıxaraq sağ qalmağı bacarıb. Daha sonra o, faciəvi şəraitə baxmayaraq, digər qurbanların necə cəsarətli davrandıqlarını təsvir edib. 

Hərracçılar bildiriblər ki, “Titanik haqqında həqiqət” həmin taleyüklü gecənin hadisələrinin ən ətraflı və etibarlı məlumatlarından biri olaraq qalır.

Aysel