Məşhur yazıçı Almaniyada öldürüldü

Məşhur 58 yaşlı alman jurnalisti, yazıçı və bir sıra bestsellerlərin müəllifi Aleksandra Fröhlix (Frohliç) Almaniyada ölü tapılıb. Onun cəsədini oğlu Hamburqda qayıqda tapıb.

Sfera.az bildirir ki, zorakı ölüm əlamətləri nəzərə alınaraq, iş adam öldürmə şöbəsinə verilib. Səlahiyyətlilər hələlik əlavə təfərrüat verməkdən çəkinərək, yalnız məhkəmə-tibbi sübutların toplandığını və koroner rəyinin tərtib edildiyini bildiriblər.

Yerli telekanalının məlumatına görə, Frohliç gecə yarısı ilə səhər saat 5:30 arasında güllələnib. Silahlar Elba çayına atılmış ola bilər.

"Məlumatlara görə, ailə üzvləri 58 yaşlı qadını qayıqda hərəkətsiz vəziyyətdə tapıblar və yanğınsöndürmə briqadasını çağırıblar, qadının ölümünü təsdiq edilib"- deyə polis sözçüsü yerli mediaya bildirib.

Müstəntiqlər qurbanın yaşadığı uzun, albalı rəngli qayıqda və ya onun yaxınlığında şübhəli fəaliyyət görən hər hansı şahidə müraciət ediblər.

Aleksandra Frohliç

Aleksandra Frohliç yazıçı karyerasına Kiyevdə başlayıb, burada qadın jurnalını təsis edib. Daha sonra jurnalist Almaniyaya qayıdıb, burada bir sıra nəşrlərdə, xüsusən “Petra”, “Freundin”, həmçinin “Der Stern” jurnalının saytında işləmiş və yazı yazmışdır.

Ancaq Aleksandra Frohliç bədii romanları sayəsində məşhurlaşıb. Yazıçının debüt kitabı olan “Mənim rus qayınanam və digər fəlakətlər” 2012-ci ildə nəşr olunub. Bu, onu “Der Spiegel” jurnalının bestsellerlər siyahısına daxil edib. Onun növbəti romanları olan “Həmişə öldü” və “Ruslarla səyahət” də yaxşı tanınır.

KİV-in məlumatına görə, mərhumun üç övladı var.

Aysel