Kanadada festival zamanı maşın izdihamın üzərinə çırpıldı - Ölənlər var
Kanadada aprelin 26-da axşam Vankuverdəki “Lapu Lapu Day Block Party”də faciəli hadisə baş verib. İlkin məlumatlara görə, avtomobilin bayram şənliyi izdihamının üzərinə sürməsi nəticəsində biri uşaq olmaqla azı 8 nəfər ölüb, 6 nəfər yaralanıb.
Sfera.az bildirir ki, hadisə axşam saat 8 radələrində baş verib. Avtomobilin sürücüsü saxlanılıb, polis araşdırmaları davam etdirir.
Faciə yerindən sosial şəbəkələrdə zərərçəkənlərə yardım göstərən təcili yardım briqadalarının görüntülərini yayımlanıb.
Ehtimallara görə, avtomobilin sürücüsü əvvəllər məhkum olunub, lakin hüquq-mühafizə orqanları bu məlumatı şərh etməkdən imtina ediblər.
“Lapu Lapu Day Block Party” festivalı haqqında
Lapu Lapu festivalı 16-cı əsrdə İspan müstəmləkəçiliyinə qarşı mübarizə aparan yerli Filippin müqavimət döyüşçüsü adını daşıyır. Tədbir həm də Kanada Yeni Demokrat Partiyasının seçki kampaniyası üçün platformaya çevrilib. Onun lideri Jagmeet Singh sosial media “X”də hadisə ilə bağlı dərin kədərini ifadə edərək, qurbanlara, onların ailələrinə və Vankuverdəki Filippin icmasına başsağlığı verib.
Britaniya Kolumbiyası Baş naziri David Eby və Mühafizəkarların lideri Pierre Poilievre də başsağlığı verərək, Filippin ictimaiyyətinə dəstək olduqlarını vurğulayıblar.
Aynil
