Avropada enerji böhranı - Bu iki ölkə işıqsız qaldı - FOTO - VİDEO

İspaniya və Portuqaliyanın böyük hissəsində baş verən elektrik kəsintisi nəticəsində telekommunikasiya şəbəkələri çöküb, metro və nəqliyyatda ciddi nasazlıqlar yaranıb. İspaniyanın paytaxtı Madriddə işıqforların işləməməsi böyük tıxaclara səbəb olub.

Sfera.az xarici mediaya istinadən xəbər verir ki, İspaniyanın elektrik şəbəkəsi operatoru "Red Electrica" və "E-Redes" vəziyyətin normallaşdırılması üçün işlərin davam etdiyini açıqlayıb.

Portuqaliya polisi də ölkədə metro xətlərinin və qatarların fəaliyyətinin dayandırıldığını bildirib.

Elektrik kəsintilərindən yalnız İspaniya və Portuqaliya deyil, həm də Fransa və Belçikanın bəzi bölgələri təsirlənib.

Madrid Açıq Tennis Turnirində qarşılaşmalar müvəqqəti olaraq dayandırılıb. Elektrik kəsintisinin səbəbi hələlik açıqlanmayıb və vəziyyətin bərpası ilə bağlı rəsmi məlumatlar gözlənilir.

Qeyd edək ki, İspaniya və Portuqaliyada elektrik enerjisinin kəsilməsi nəticəsində Belçika, İrlandiya və Fransada da təchizatda çətinliklər olub. 

Bəsti Rəfizadə