Bəşər Əsədin atasının məzarı yenidən qarət edildi - FOTOLAR

Bəşər Əsədin atası Hafiz Əsədin məzarı yenidən qarət edilib. 

Sfera.az xarici mediaya istinadən xəbər verir ki, Hafiz Əsədin məzarının yerləşdiyi Laskiyyə şəhərindəki türbə dağıdılıb.

Kimliyi müəyyən olmayan bir qrupun Hafiz Əsədin məzarını açıb sümüklərini oğurladığı bildirilir. 

Əsəd ailəsinin 61 illik hakimiyyətinin 8 dekabr 2024-də xalq üsyanı ilə sona çatmasının ardından, rejimin dağılması ilə Əsəd ailəsinə aid binalar və əmlaklar qarət edilib, ölkə boyu heykəllər dağıdılıb. Bəşər Əsəd və ailəsi Rusiyaya qaçaraq ölkə ilə bütün əlaqələrini kəsdikdən sonra Suriyada yeni hökumət qurulub və normallaşma prosesi başlanıb.

Bu proses zamanı, Hafiz Əsədin məzarının yerləşdiyi Laskiyyə vilayətinin Kardaha kəndindəki türbə qarət edilib. Beton məzarı sındıran şəxslərin Hafiz Əsədin sümüklərini oğurladığı məlum olub. Türbədə çəkilən görüntülər sosial mediada sürətlə yayılaraq milyonlarla dəfə izlənib.

2024-cü ilin dekabr ayında baş verən üsyanlarda, Əsəd ailəsinin ölkəni tərk etməsindən sonra xalq türbəni basıb və məzara zərər vermişdi. 

Bəsti Rəfizadə