"Çinə kənardan təsirlər artıb"- Nazir müavini

ABŞ Prezidenti Donald Trampın gömrük rüsumlarını artırması Çinin əmək bazarına mənfi təsir edib. 

Sfera.az xəbər verir ki, bunu brifinqdə ÇXR-in insan resursları və sosial təminat nazirinin müavini Yu Cyadonq deyib.

“Kənardan təsir artıb, ABŞ bir-birinin ardınca yüksək tariflər tətbiq edib, bəzi xarici ticarət şirkətləri istehsal və fəaliyyətdə çətinliklərlə üzləşib. Bu, bəzi işçilərin məşğulluğuna təsir edib, məşğulluq üzərində təzyiq artmaqda davam edir”,-o bildirib.

Nazir müavininin sözlərinə görə, birinci rübdə məşğulluq vəziyyəti ümumilikdə sabit qalıb. Ölkə üzrə şəhər yerlərində təxminən 3,08 milyon yeni iş yeri yaradılıb. Bu, 2024-cü ilin eyni dövrü ilə müqayisədə 50 min çoxdur.

“Çin Kommunist Partiyası Mərkəzi Komitəsinin və Dövlət Şurasının planına uyğun olaraq, ölkə hakimiyyəti təzyiq altında irəliləməyə davam edəcək və iş yerlərinin sayını artırmaq üçün hər cür səy göstərəcək,- o, vurğulayıb. 

Firuzə Əliyeva