Zelenski Trampa təşəkkür etdi

Ukrayna Prezidenti Volodimir Zelenski amerikalı həmkarı Donald Trampla bu gün keçirilən görüşü ilə bağlı paylaşım edib.

Sfera.az Teleqraf-a istinadən xəbər verir ki, Ukrayna prezidenti bu barədə "X" hesabında yazıb.

“Görüş yaxşı keçdi. Bir çox məsələni təkbətək müzakirə etdik. Ümid edirəm ki, toxunduğumuz bütün mövzular üzrə nəticələr əldə olunacaq. Əsas məqsədimiz xalqımızın həyatını qorumaqdır. Tam və qeyd-şərtsiz atəşkəs, yeni müharibənin qarşısını alacaq etibarlı və davamlı sülhə nail olmaq istəyirik. Bu, görüş çox simvolikdir, əgər birgə nəticələr əldə edə bilsək, tarixi əhəmiyyət daşıya bilər. Təşəkkür edirəm, Prezident Donald Tramp,” – paylaşımda deyilir.

Xatırladaq ki, ABŞ və Ukrayna prezidentləri arasında görüş Romada Papa Fransisklə rəsmi vida mərasimindən öncə baş tutub, 15 dəqiqə çəkib. Yaxın saatlarda iki lider arasında yenidən görüş keçiriləcəyi bildiirlir.