İranda partlayışdan sonra yaralananların sayı sürətlə artır

İranın cənubunda yerləşən Hörmüzqan vilayətində Şəhid Rəcai limanında baş verən partlayış nəticəsində yaralananların sayı 516 nəfərə çatıb.

Sfera.az xəbər verir ki, bunu İranın Təcili Yardım Təşkilatının sözçüsü Babək Yektapərəst açıqlayıb.

Onun sözlərinə görə, 60 nəfər “Şəhid Məhəmmədi” xəstəxanası, 45 nəfər “Seyyüdüş-Şühəda” xəstəxanası, 16 nəfər “Xatəmül-Ənbiya” xəstəxanası, 120 nəfər “Sahibəz-Zaman” xəstəxanası və 40 nəfər “Fars Körfəzi” xəstəxanasına yerləşdirilib.

Yektapərəst bildirib ki, Şiraz poliklinikasında 90 yer boşaldılıb və ehtimal olunan yaralılar üçün hazırlanıb.

İranlı rəsmi təcili yardım maşınlarının sayının 15-ə qədər artırıldığını və 4 ədəd təcili yardım avtobusunun hadisə yerinə ezam edildiyini bildirib.