BMT-nin Qəzzada ərzaq ehtiyatı tükənib

BMT-nin Ümumdünya Ərzaq Proqramının (ÜƏP) sərhəd keçid məntəqələrinin bağlı qalması səbəbindən Qəzza zolağında ərzaq ehtiyatı tükənib. 

Sfera.az xəbər verir ki, bu barədə təşkilatın bəyanatında deyilir. 

Ümumdünya Ərzaq Proqramı bildirib ki, humanitar və kommersiya ləvazimatları Qəzzaya yeddi həftədən artıqdır daxil olmayıb. Buna səbəb bütün əsas sərhəd keçidlərinun bağlı qalmasıdır. 

Hesablamalara görə, atəşkəsin qüvvədə olduğu dövrlə müqayisədə ərzaq qiymətləri 1400 % artıb.

Təşkilat son qalan ərzaq ehtiyatını cümə günü Qəzza zolağındakı isti yemək mərkəzlərinə çatdırıb. Oradakı ərzaq ehtiyatlarının yaxın günlərdə tamamilə tükənəcəyi gözlənilir. Bəyanatda deyilir ki, bir neçə həftədir ki, bu məntəqələr qəzzalılar üçün yeganə daimi ərzaq yardımı mənbəyi olub. 

Həmçinin ÜƏP xatırladıb ki, martın 31-də Qəzzada təşkilatla birgə işləyən 25 çörək zavodunun hamısı buğda unu və yanacaq tükəndiyi üçün bağlanıb. Onlar qeyd ediblər ki, 116 min tondan çox ərzaq yardımı humanitar dəhlizlərdədir və sərhədlər açılan kimi Qəzzaya çatdırılmağa hazırdır.

Firuzə Əliyeva