Gəzinti zamanı 1500 qədim sikkə tapdı - FOTO

Rumıniyada metal detektoru olan bir adam təxminən 1500 qədim Roma gümüş sikkəsini aşkar edib. Sikkələr demək olar ki, 1700 ildir ki, yerdə qalıb. 

Sfera.az bildirir ki, Rumıniyalı Bebe Manjac təsadüfən ölkədə son illərdə aşkar edilmiş ən böyük Roma sikkələrindən birinə rast gəlib. Bolqarıstanla sərhədə yaxın Letsa Veçe kəndi ətrafındakı təpələrdə metal detektoru ilə gəzərkən o, təxminən 1700 ildir yerdə qalmış 1500-ə yaxın gümüş dinar tapıb. 

Bebe Manjac qeyri-adi atmosferi və yumşaq torpağı olduğu üçün bu yeri seçdiyini bildirib. İlk baxışdan adi bir təpənin altında bütöv bir xəzinə gizlədilib: qazıntılar zamanı o, təkcə qədim sikkələr deyil, həm də çox güman ki, pulun saxlandığı qabdan keramika fraqmentlərini aşkar edib.

Bebe yerli mətbuata açıqlamasında "İlk dəfə sikkələri görəndə əllərim titrəməyə başladı. O qədər çox idi ki, gözlərimə inanmadım"-deyə bildirib.

Ümumilikdə o, imperator Trayan və digər Roma simvollarını əks etdirən nümunələr də daxil olmaqla 1469 gümüş sikkə çıxarmağı bacarıb. 

Rumıniya qanunlarına görə, tarixi əhəmiyyətə malik artefakt tapan vətəndaş onu 72 saat ərzində səlahiyyətli orqanlara təhvil verməyə borcludur. Tapıntısına görə, Bebeni xəzinənin təxmini dəyərinin 45%-i qədər mükafat gözləyə bilər. O, pulları Pasxa bayramlarından dərhal sonra müəyyən edilmiş müddətə əməl edərək şəhər meriyasına təhvil verə bilib.

İndi aşkar edilən ərazi arxeoloji abidə elan ediləcək, mütəxəssislər qazıntı və tədqiqat işləri aparacaqlar. Sikkələr Mədəniyyət Departamentinə təhvil verilib. İlkin məlumatlara görə, gələcəkdə Giurgiu şəhərindəki Teohari Antonescu County Muzeyinin kolleksiyasına daxil ediləcək.

Mütəxəssislər hələlik tapıntının dəqiq dəyərini hesablamayıblar, lakin ilkin hesablamalara görə, bu, əhəmiyyətli məbləğ ola bilər.

Aynil