Trampın növbəti seçkilərdə namizədliyi təklif olunur
2032-ci il ABŞ prezident seçkiləri üçün öncədən düşünmək lazımdır.
Sfera.az xəbər verir ki, bunu ABŞ Hökumətinin Səmərəliliyi İdarəsinə (DOGE) nəzarət edən İlon Mask Ağ Evin hazırkı rəhbəri Donald Trampın dördüncü müddətə yenidən seçilməsi ehtimalı barədə danışarkən deyib.
İş adamı bu barədə X platformasında (əvvəllər Twitter kimi tanınırdı) yazıb.
Həmçinin, aprelin 25-də məlum olub ki, ABŞ-nin hazırkı prezidentinin üçüncü müddətə namizəd olmaq istəyi ilə bağlı yayılan xəbərlər fonunda Trampın rəsmi internet mağazasında “Tramp-2028” simvolları olan malların satışına başlanılıb.
Mağazanın çeşidinə “Trump 2028 (Qaydaları Yenidən Yaz)” şüarı ilə qiyməti 36 dollar olan tünd göy və qırmızı köynəklər daxildir.
ABŞ Prezidenti Donald Tramp dəfələrlə açıq şəkildə bəyan edib ki, o, üçüncü dəfə prezidentliyə namizəd olmaq imkanını nəzərdən keçirir.
Qeyd edək ki, aprelin 22-də Reuters üçün Ipsos tərəfindən yayımlanan bir sıra sorğular, respondentlərin təxminən dörddə üçünün Trampın 2028-ci ildə üçüncü müddətə namizəd olmasını istəmədiyini göstərib.
Firuzə Əliyeva
