Vitkoff-Putin görüşü başladı
ABŞ Prezidenti Donald Trampın elçisi Stiv Vitkoff Moskvada Rusiya prezidenti Vladimir Putinlə görüş keçirib.
Sfera.az “Reuters”ə istinadən xəbər verir ki, bu, Tramp administrasiyasının Rusiya ilə Ukrayna müharibəsini sona çatdırmaq üçün apardığı səylər çərçivəsində önəmli bir addım kimi qiymətləndirilir. Vitkoff artıq Kreml rəhbəri ilə üç uzunmüddətli görüş keçirib və Trampın Putinlə əsas vasitəçisi kimi önə çıxıb. Görüş zamanı Putini xarici siyasət üzrə müşaviri Yuri Uşakov və investisiya məsələləri üzrə elçisi Kirill Dmitriyev müşayiət edib.
Qeyd edək ki, Vitkoffun bu səfəri Trampın Rusiyanı Kiyevə etdiyi raket və pilotsuz təyyarə hücumlarını sərt şəkildə tənqid etməsindən cəmi bir gün sonraya təsadüf edir. Həmin hücum nəticəsində azı 12 nəfər həyatını itirib. Tramp hücumu “Vladimir, STOP!” sözləri ilə sosial şəbəkədə pisləyib.
Bununla yanaşı, Tramp sülh prosesində mühüm irəliləyişlərin olduğunu da açıqlayıb. “Bu yaxın bir neçə gün çox vacib olacaq. Hazırda görüşlər keçirilir. Düşünürəm ki, biz razılaşacağıq və buna çox yaxınlaşırıq” – o, jurnalistlərə bildirib.
Fidan Hacızadə
