“Ukrayna torpaqlarından müvəqqəti imtina edilə bilər” - Kiyev meri

Kiyev meri Vitali Kliçko sülh üçün Ukraynanın bəzi ərazilərindən müvəqqəti imtina edə biləcəyini deyib. 

Sfera.az xarici mediaya istinadən xəbər verir ki, Kliçko bu açıqlamanı çoxlu sayda insanın öldüyü Kiyevə raket və İHA hücumundan sonra verib. 

Kliçko açıqlamasında qeyd edib ki, ssenarilərdən biri torpaqlardan imtina etməkdir:

"Bu, ədalətli deyil. Ancaq bəlkə də müvəqqəti sülh üçün bir həll ola bilər. Lakin Ukrayna xalqı Rusiya tərəfindən işğalı heç vaxt qəbul etməyəcək".

Rusiyanın son hücumu nəticəsində Kiyevdə 30 nəfər ölüb, 80-dən çox insan yaralanıb. 

Kliçko Prezident Volodimir Zelenskinin sülhün təmin olunması üçün “ağrılı bir qərar” qəbul edə biləcəyini də qeyd edib. Ancaq mümkün sülh razılaşmasının detalları ilə bağlı Zelenski ilə danışmadığını və bu məsələnin prezidentin səlahiyyətində olduğunu bildirib.

Bəsti Rəfizadə