Dəmir qutu və butulkalar satmaqla ev almaq üçün pul topladı
Avstraliyalı Damian Qordon şüşə butulkalar və alüminium qutular sataraq 46 min dollar qazanıb və bu pulu evin ilkin ödənişinə sərf edib.
Sfera.az bildirir ki, Avstraliyanın Yeni Cənubi Uels əyalətinin sakini Damian Qordon zibil belə böyük xəyalın əsasına çevrilə biləcəyini sübut edib. Belə ki, yeddi il ərzində 450.000-dən çox alüminium qutu və şüşə butulkaları təkrar emal etmək ona 46.000 AUD dollar qazandırıb. Bu, bir evin ilkin ödəniş üçün kifayət edib.
Qordon 2017-ci ildə musiqi festivallarında könüllü olaraq zibil konteyneri toplamağa başladığını bildirib. Orada hadisələrdən sonra nə qədər butulka və qutunun qaldığını görüb. O vaxtdan bəri adam topladığı əşyaları mütəmadi olaraq təkrar emala təhvil verir, hər bir əşya üçün 10 sent alır.
"Bu, köhnə balıqçı daxmasıdır, lakin mənim başımın üstündə öz damım olduğu üçün şanslıyam" - deyə Qordon etiraf edib.
O, pulu xərcləmək həvəsinə düşməmək üçün sadəcə görünməz əmanət hesabının balansına nəzarət etmədən qənaət etdiyini bildirib. İndi ev sahibi olduğu üçün adamın dayanmaq fikri yoxdur. İpoteka borcunu ödəmək və ətraf mühitə kömək etmək üçün konteynerlər toplamağa davam edir.
"Mən heç vaxt bunun belə bir şeyə səbəb ola biləcəyini düşünmürdüm" - deyə Qordon bildirib.
Aysel
