1a:T7d5,

"Tarixi Rusiya torpaqlarına sülhməramlıların göndərilməsi Üçüncü Dünya Müharibəsi riskini artırır".

Bu sözləri Rusiya Təhlükəsizlik Şurasının katibi Sergey Şoyqu müsahibədə bildirib.

Sfera.az TASS Agentliyinə istinadən xəbər verir ki, Şoyqu Qərbin bəzi ölkələrinin Ukraynaya sülhməramlılar adı altında hərbi kontingent yerləşdirmək planlarını sərt şəkildə tənqid edib. Onun sözlərinə görə, bu cür addım NATO ilə Rusiya arasında birbaşa qarşıdurmaya səbəb ola bilər:

“Avropadakı daha həssas siyasətçilər başa düşürlər ki, belə bir ssenari NATO ilə Rusiya arasında müharibəni alovlandıra və hətta Üçüncü Dünya Müharibəsini yaxınlaşdıra bilər”.

Şoyqu əlavə edib ki, “sülhməramlı” anlayışı Ukraynada mineral ehtiyatlara nəzarəti gizlədən bir vasitədir. Onun fikrincə, bu cür qoşunlara “işğalçı” demək daha düzgün olardı:

“Bu, sülhməramlı missiya olmayacaq. Bu qüvvələr əsasən NATO ölkələrinə məxsus olacaq və onların hədəfi Rusiyanın təsirini zəiflətməkdir”.

O, həmçinin qeyd edib ki, bu cür kontingentin Ukraynadakı “nasist rejiminə”, pravoslav dindarların təqibinə və rusdilli əhaliyə qarşı hüquq pozuntularına dəstək verməsi ehtimalı var:

“Bu, Ukraynada rusdilli əhalinin mədəniyyət və dil hüquqlarından məhrum edilməsinə göz yummaqdır”.

Sergey Şoyqu çıxışının sonunda bildirib ki, beynəlxalq ictimaiyyət belə “sülhməramlı təşəbbüslərə” qoşulmaqda maraqlı deyil və bu, dünya ictimaiyyətinin getdikcə daha ayıq yanaşmasından xəbər verir.

Fidan Hacızadə

4:[["$","script",null,{"type":"appl

"Sülhməramlılar Dünya müharibəsinə səbəb ola bilər" - Rusiya Qərbi hədələdi