Ürək və öpüş emojiləri cinsi qısnama hesab olunur - Məhkəmə cərimə yazdı
Hadisə Türkiyənin Diyarbəkir şəhərində baş verib. Adı açıqlanmayan şəxs cinsi qısnama törətdiyinə görə cərimələnib.
Sfera.az bildirir ki, 69 yaşlı H.T. Diyarbəkirdə sosial şəbəkədə tanımadığı qadına ürək və öpüş emojiləri göndərib. Ötən il 32 yaşlı evdar qadın Z.Y. tanımadığı 69 yaşlı H.T. adlı şəxsdən mesaj aldıqdan sonra Respublika Prokurorluğuna müraciət edib.
Qocanın gənc qadına öpüşlər və ürək emojiləri ilə yanaşı “Sən gözəlsən, canım, çox şirinsən, canım” mesajları göndərdiyi müəyyən edilib.
Onun barəsində “seksual qısnama” cinayətini törətdiyi üçün Baş Prokurorluq tərəfindən cinayət işi açılıb.
Diyarbəkir 7-ci Cəza Məhkəməsində keçirilən prosesdə prokuror müttəhimin istifadə etdiyi “Instagram” hesabından müxtəlif vaxtlarda şikayətçiyə mesajlar və ürək və öpüş emojiləri göndərdiyini bildirib.
Müttəhimin ziddiyyətli ifadələrinin cinayətdən yaxa qurtarmaq məqsədi daşıdığı və bu səbəbdən Türkiyə Cəza Məcəlləsinin 105/1 1, 105/2-d, 43/1 və 53-cü maddələrinə uyğun olaraq cəzalandırılması istənilib.
69 yaşlı kişi ittihamları rədd edərək hesabının oğurlandığını və mesajları göndərmədiyini iddia edib. İş üzrə hökm çıxarılıb. H.T. göndərdiyi emojilərə və mesajlara görə 2800 lirə inzibati cəriməyə məhkum edilib.
Aynil
