Siçan bir şəhərin həyatını iflic etdi
Rusiyanın Ulan-Ude şəhərində bir gəmirici hər yeri işıqsız qaoyub.
Sfera.az bildirir ki, aprelin 20-də axşam saatlarında Rusiyanın bir hissəsi olan Buryatiyanın paytaxtı Ulan-Udenin ən böyük şəhərində küçə siçovulu təsadüfən iki məktəb, uşaq bağçası, klinika və dönmə çarxının elektrik enerjisini kəsib. Buna görə də insanlar parkda dönmə çarxında havada asılı qalıblar.
Gəmirici Krasnoflotskaya küçəsində yerləşən paylayıcı stansiyada paylayıcı lövhəyə doğru yollanıb. Bir müddət orada qalıb və qısaqapanma yaradıb. Bu hadisə nəticəsində zərər çəkən yerli attraksionlardan biri də həmin vaxt işləyən dönmə çarxı olub.
“Atraksiondan əlavə, iki məktəb, bir uşaq bağçası, bir poliklinika və üç nasos stansiyası 40 dəqiqə işıqsız qalıb”- deyə məlumatda bildirilir.
Qeyd olunur ki, dönmə çarxında olan istirahətçilər heç bir hərəkət etmədən 40 dəqiqə havada “asılıblar”. Buna görə də Ulan-Udedə elektrik enerjisinin nə vaxt bərpa olunacağı dəqiq bilinmədiyi üçün yerli işçilər insanlatı attraksiondan əl ilə çıxarmalı olublar.
Hadisə yerinə yerli təcili xidmətlər gəlib. Fövqəladə hallar ekipajları Ulan-Udedəki kritik obyektləri tez bir zamanda ehtiyat enerjiyə keçirməli olublar və aprelin 20-də saat 18:35 radələrində qəribə hadisənin nəticələri aradan qaldırılıb.
Aynil
