Sosial medianın həyatımıza tam daxil olması ilə başqa problemlər də ortaya çıxmağa başlayıb. Təhqirin daha asan edildiyi sosial şəbəkələrdə bir çox məhkəmə iddiaları açılır. Bəzi məhkəmə prosesləri nəticəsiz qalsa da, bəziləri sona qədər davam edir. Məşhur insanlardan başqa sosial şəbəkə istifadəçilərinin bir-birinə dedikləri təhqirlər demək olar ki, məhkəməyə verilmir.

Sfera.az bildirir ki, məşhur məşqçi Fatih Terim də ona qarşı edilən təhqirə görə məhkəməyə müraciət edib.

Səudiyyə Ərəbistanının Pro Liqa komandası “Əl-Şəbab”ın baş məşqçisi Fatih Terimə qarşı sosial şəbəkədə Mahmud Ç. adlı şəxsin təhqiramiz ifadələr yer alan paylaşımından sonra məhkəmə prosesi başlayıb.

Belə ki, Mahmut Ç. adlı şəxs ötən il sosial şəbəkədə Fatih Terimin ünvanına təhqirlər əks etdirən paylaşım edib. İctimaiyyətə qarşı “İ..e Fatih Terim” ifadəsini işlədən bu paylaşım məşhur məşqçini qəzəbləndirib. Yazılanları görən Terim dərhal qanuni tədbir görüb. Ədliyyəyə gedən Terim, Mahmud Ç. barəsində məhkəmə iddiası qaldırıb.

Fatih Terim İstanbul Asliye Məhkəməsinə təqdim etdiyi ərizəsində şübhəli Mahmud Ç.-nin sözlərinin nə peşəsinə, nə də düşüncələrinə yönəldilmədiyini, birbaşa özünü və ailəsini hədəf alan kobud və ədalətsiz bir hücum olduğunu iddia edib. Təqsirləndirilən şəxsin onu açıq şəkildə təhqir edərək şəxsi hüquqlarını pozduğunu vurğulayan Terim milyonlarla insanın olduğu bir platformada nüfuzdan düşdüyünü və bu səbəbdən incidiyini bildirib.

Məhkəmə cəza ilə bağlı qərar çıxarıb.

Ötən həftə İstanbul Asliye Hüquq Məhkəməsində keçirilən iclasda tərəflərin müdafiəsi dinlənildikdən sonra iş üzrə qərar verilib. Məhkəmə, Mahmut Ç.-nin yazısının Fatih Terimin şəxsi hüquqlarına qəsd təşkil etdiyi və buna görə də mənəvi təzminat haqqının yaranmasına səbəb olduğuna qərar verib. Qərara uyğun olaraq, Mahmud Ç. Fatih Terimə 3 min TL mənəvi təzminat ödəyəcək.

Fatih Terim məhkəməyə verdiyi ərizəsində Mahmud Ç. anasına və həyat yoldaşına qarşı son dərəcə çirkin, yersiz və dilə gətirilməz ifadələr işlətdiyini qeyd edib. Yazının təkcə özünü deyil, birbaşa ailəsini də hədəf aldığını vurğulayan Terim, bu vəziyyətin açıq şəkildə şəxsi hüquqlarına hücum təşkil etdiyini və hüquqi müdaxiləni zəruri etdiyini bildirib.

Aynil

Fatih Terimin sosial şəbəkələrdəki təhqirlərə görə məhkəməsi yekunlaşdı