Vatikanın yaydığı rəsmi açıqlamaya əsasən, Katolik dünyasının ruhani lideri, 88 yaşlı Papa Fransisk vəfat edib. Mətbuata təqdim olunan fotolarda Papanın açıq tabutda, qırmızı xalat və papalıq tiarası ilə vidalaşdığı görülür. Onun ölüm səbəbi kimi insult və ürək çatışmazlığı göstərilib.

Sfera.az xarici mənbəyə istinadən xəbər verir ki, Papa Fransiskin vəfatı İtaliya boyunca kilsə zənglərinin çalınması ilə elan olunub. Vatikan bildirib ki, sabah səhər saatlarından etibarən Casa Santa Marta Chapel-də Papanın cənazəsi ictimai ziyarətə açılacaq.

2024-cü ildə qəbul etdiyi fərmanla dəfn mərasimlərinin sadələşdirilməsinə qərar verən Papa Fransiskin öz vəsiyyəti əsasında vida mərasimi də daha sadə şəkildə keçiriləcək. Mərasim zamanı bəzi dualar və protokol elementləri ixtisara salınacaq.

Kilsə ənənələrinə görə, papa vəfat etdikdən sonra dəfn mərasimi dörd-altı gün ərzində baş tutmalıdır. Vatikanın açıqlamasına əsasən, dəfn cümə və ya bazar günü keçiriləcək.

Əlində təsbeh tutmuş şəkildə son dəfə görüntülənən Papa Fransiskin dəfni də onun təvazökar həyat fəlsəfəsini əks etdirəcək.

Fidan Hacızadə

Papa Fransiskin tabutda olan görüntüsü yayıldı - FOTOLAR