Roma Papası Fransisk bu gün, 21 aprel 2025-ci il tarixində, 88 yaşında vəfat edib. Vatikandan verilən məlumata görə, o, uzun müddət davam edən ikitərəfli pnevmoniya xəstəliyindən sonra dünyasını dəyişib.

Bəs yeni Papa necə seçiləcək?

Sfera.az bildirir ki, yeni Papa seçimi üçün Katolik Kilsəsində qədim və ciddi bir prosedur mövcuddur.

Belə ki, Papadan sonra təxminən 15-20 gün ərzində konkla (gizli toplantı) çağırılır. Bu müddət ərzində mərhum Papaya vida mərasimləri və dəfn mərasimi keçirilir. 80 yaşdan aşağı olan kardinal elektorlar konkla üçün Vatikan şəhərində toplanır. Hazırda bu elektorların əksəriyyəti Papa Fransisk tərəfindən təyin edildiyindən, onun islahatçı xəttinin davam etməsi ehtimal olunur. Konkla Sistine Kapellasında keçirilir. Kardinal elektorlar gündə dörd dəfə gizli səsvermə keçirirlər. Namizədin Papa seçilməsi üçün üçdə iki səs çoxluğu tələb olunur . Heç bir namizəd bu səsi toplaya bilməsə, növbəti gün səsvermələr davam edir. Nəhayət, biri seçilərsə, o, razılığını bildirir və ad seçir. “Habemus Papam!” (“Papa sahibiyik!”) deyə elan olunur. Yeni Papa seçildikdə Sistine Kapellasının bacasından ağ tüstü çıxır və bu, bütün dünyaya yeni Papaya sahib olunduğunu bildirir.

Hələlik yeni Papaya dair rəsmi məlumat yoxdur. Konkla tarixinin yaxın günlərdə elan ediləcəyi gözlənilir. Lakin yeni Papa ilə bağlı adlar indidən ehtimal kimi müzakirə olunur. Ən çox adı hallanan şəxslər arasında bunlar ola bilər:

Kardinal Pietro Parolin – Vatikanın hazırkı dövlət katibidir və diplomatik təcrübəsi çox zəngindir.
Kardinal Luis Antonio Tagle – Filippinli kardinaldır, hazırda Vatikanın İncilin Yayılması üzrə təşkilatına rəhbərlik edir. Gənc və xalqa yaxın üslubu ilə seçilir.
Kardinal Matteo Zuppi – İtaliyada Bolonya arxiyepiskopudur, sosial ədalət və sülh mövzularında aktivdir.
Kardinal Peter Turkson – Qanadan olan kardinal, Afrikadan ilk papa ola biləcəyi yönündə ehtimallar var.

Onu da qeyd edək ki, 88 yaşlı Papa 2013-cü ilin martından bu vəzifədə idi.

Firuzə Əliyeva

Papa olmağa namizdələrin adları açıqlandı