İsrail Fransaya "borclu qalmadı": Deputatların vizaları ləğv olundu

Fransanın solçu parlament üzvlərindən ibarət nümayəndə heyətinin İsrailə səfər etmək cəhdləri baş tutmayıb. İsrail hökuməti solçuların vizalarını ləğv edərək onların ölkəyə girişlərini əngəlləyib.

Sfera.az xəbər verir ki, 20-24 aprel tarixlərində Fələstin torpaqlarını və İsraili ziyarət etməyi planlaşdıran 27 nəfərdən ibarət fransız nümayəndə heyətindən 17-sinin vizaları İsrail tərəfindən ləğv edilib.

Heyət üzvləri bildirib ki, İsrail bir ay əvvəl təsdiq etdiyi vizalarını 2 gün qalmış ləğv edib və bu addımı Fələstinə dəstəklərinə görə “kollektiv cəzalandırma” kimi qiymətləndiriblər.

Qeyd edək ki, İsrailin bu cür davranmasına səbəb Fransa prezidentinin Fələstinin müstəqilliyini tanıyacağına dair açıqlaması səbəb olub. Solçular da Fransa prezidentinin mövqeyini dəstəkləyirlər. 

Bu cür siyasi davranış İsrail hökumətini narahat etdiyindən vizaları ləğv edilib.

Xatırladaq ki, İsrail hakimiyyəti daha əvvəl də Fransız Avropa Parlamenti (AP) nümayəndələrinin və bəzi Avropalı siyasətçilərin də ölkəyə girişini qadağan etmişdi.

Bəsti Rəfizadə