Ukrayna əsilli amerikalı bloqqer Mixail Polyakov martın 31-də Hindistan polisi tərəfindən saxlanılıb. Həmin şəxs hazırda yerli aborigenlərin yaşadığı Şimali Sentinel adasına səfər etdiyi üçün həbsdədir.

Sfera.az bildirir ki, məhkəmə 24 yaşlı Polyakovun Şimali Sentinel adasına qanunsuz səfərinə görə həbs müddətini aprelin 29-dək uzadıb. Hüquq-mühafizə orqanları Arizonadan olan ukraynalı amerikalının martın 31-də Port Bleyr şəhərində, qadağan olunmuş adaya səfər etdikdən iki gün sonra həbs edildiyini təsdiqləyib.

Adının açıqlanmasını istəməyən polis məmuru jurnalistlərə:

"Bu, macəralı səfər idi, amma fakt budur ki, Hindistan qanunları pozulub. Sentinellərlə görüşən kənar şəxslər qəbilənin sağ qalmasına təhlükə yarada bilər" - deyə bildirib:

Mətbuat Polyakovun Hindistan qanunlarını pozmaqda şübhəli bilindiyini, 5 ilə qədər həbs cəzası və külli miqdarda pul cəzası nəzərdə tutduğunu yazır. Hazırda saxlanılan şəxsin özü və vəkilləri, eləcə də ABŞ-ın Hindistandakı səfirliyi işin təfərrüatlarını şərh etmir.

Polyakov uzaq ərazilər, eləcə də dənizə çatan marşrutların ətraflı tədqiqi aparıb. İstintaq müəyyən edib ki, bloqqer özü adanın çimərliyinə gəlib, orada təxminən bir saat vaxt keçirib və sahilə bir banka “Cola Zero” və bir kokos qoyub.

Polyakov yerlilərin diqqətini çəkmək üçün fit çalsa da, onunla əlaqə saxlamayıblar. Daha sonra həmin şəxs qayığına minib, bir neçə qum nümunəsi götürüb Andaman adalarına qayıdıb, yerli balıqçılar həmin şəxsin qadağan olunmuş adaya səfəri barədə səlahiyyətlilərə məlumat verdikdən sonra o, polis tərəfindən saxlanılıb.

Şimali Sentinel adası

Bu adanın sahəsi təxminən 60 kvadratmetrdir. 1947-ci ildən Hindistana məxsusdur və materik Hindistandan 1500 km-dən çox məsafədə yerləşir. Adada ən azı 10.000 ildir burada yaşayan Sentinellər adlı yerli qəbilə yaşayır. Hazırda sakinlərin sayı 51-500 nəfər arasında dəyişir və dəqiq sayını müəyyən etmək mümkün deyil.

Şimali Sentinel adasının yerliləri xarici dünya ilə təmasda olmaq cəhdlərinə olduqca aqressiv reaksiya verirlər. Müxtəlif mənbələrə görə, yerlilərin əli ilə qurbanların sayı 100 nəfərdən çox ola bilər.

2001-ci ildən Hindistan hakimiyyəti adaya səfərə və ona 5 km məsafədən yaxınlaşmağa tam qadağa qoyub, həbs və böyük cərimə ilə hədələyib. Bununla belə, 2006-cı ildə iki balıqçı fırtınadan sonra təsadüfən itib adaya düşüblər və yerli sakinlər içəri girənləri öldürüblər.

2018-ci ildə amerikalı xristian missioner Con Çau onlara xristianlığı qəbul etdirmək üçün Sentinellərin yanına getsə də, yerli sakinlər təbliğatçını da öldürüblər. Polyakov indi Şimali Sentinel adasına çatdıqdan sonra adaya gələn bir neçə ziyarətçidən sağ qalan yeganə şəxsdir.

Xanım

Turist dünyanın ən təcrid olunmuş qəbiləsi ilə əlaqə saxlamağa çalışıb: Saxlanıldı