Dünyanın ən kiçik ölkələrindən biri bankomatlara sahib oldu
Sakit okean ölkəsi Tuvalu bu həftə ilk dəfə bankomatlar istifadəyə verib. Əvvəllər həm yerli sakinlər, həm də nadir turistlər üçün bütün ödəniş əməliyyatları nağd şəkildə həyata keçirilirdi.
Sfera.az bildirir ki, bankomatları Tuvalunun baş naziri Feleti Teo ölkənin əsas Funafuti adasında keçirilən tədbirdə təqdim edib. Baş nazir çıxışında bankomatların tətbiqini əlamətdar hadisə adlandırıb, Tuvalu Milli Bankının baş direktoru Siose Teo isə ölkədə dönüş etdiyini bildirib.
Bayram şərəfinə tədbir iştirakçıları nəhəng şokoladlı tort sifariş ediblər. Onu kəsmək şərəfli vəzifəsi Baş nazir Teoya həvalə edilib.
Qeyd edək ki, Tuvalu təxminən 11.000 nəfər əhalisi olan dünyanın ən kiçik ölkələrindən biridir. Ölkə doqquz adada yerləşir və aralarındakı əlaqələr bərələrlə təmin edilir. Funafuti hava limanı qonşu Fici ada ölkəsindən həftədə yalnız bir neçə uçuş yerinə yetirir. Uçuşlar olmadıqda uçuş-enmə zolağı idman meydançası kimi istifadə olunur.
Tuvalunda turistlər nadirdir: məsələn, rəsmi məlumatlara görə, 2023-cü ildə cəmi üç minə yaxın turist qeydə alınıb.
Aynil
