İtaliyada kanat yolu qırıldı: Ölənlər var
Qəza İtaliyanın cənubundakı Neapol yaxınlığında, Monte Faito dağında baş verib. Kabel qopub, kabin yüksək hündürlükdən düz meşəlik yamaca düşüb.
Sfera.az bildirir ki, ən azı dörd nəfər həlak olub, daha biri itkin düşüb. Qeyd edək ki, Monte Faito kanat avtomobili məşhur turistik yerdir.
Tarixi Castellammare di Stabia şəhərini Monte Faito ilə birləşdirən kanat yolu rəsmi açılışından cəmi bir həftə sonra çöküb.
Hazırda yanğınsöndürənlər və mina-xilasetmə qrupları hadisə yerindədir, lakin güclü külək və pis hava şəraiti səbəbindən onların işləməkdə çətinlik çəkdiyi bildirilir.
Ayrı kabinədə səyahət edən təxminən 16 sərnişin təhlükəsizdir.
Yerlu vaxtla saat 16:30 radələrində İtaliya mediası teleferik dağın ətəyində havada asılı qalan iki kabinənin dağıldığını bildirib. Nəticədə turistlər təhlükəsizlik kəmərindən istifadə etməklə bir-bir kabinədən çıxarılıb.
Qeyd edək ki, bu, İtaliyada baş verən ilk kanat qəzası deyil. 2021-ci ildə Maggiore gölünün şimal hissəsini yaxınlıqdakı dağla birləşdirən kanat yolu da çökmüşdü.
Aysel
