Toyunda blogerin üstünə 5 kiloqram qızıl taxdılar – FOTO/VİDEO
Türkiyədə sosial media fenomeni, müğənni və aktrisa kimi tanınan Aleyna Dalverenin dəbdəbəli toyu müzakirələrə səbəb olub.
Sfera.az xəbər verir ki, Tükiyənin tanınmış simalarının və məşhurların iştirak etdiyi toyda Dalverenə 5 kiloqram qızıl hədiyyə edilib və bu dəbdəbəli hədiyyə sosial şəbəkədə böyük səs-küyə səbəb olub.
Qonaqlar yeni evlənənlərə hədiyyə vermək üçün uzun növbə yaradıblar.
Xüsusən də blogerin taxdığı qızıllar əks-səda doğurub. Aleyna Dalverenin taxdığı qızılın çəkisi düz 5 kiloqram, qiyməti isə təxminən 20 milyon TL olub.
O hətta zinət əşyalarının ağırlığından yeriməkdə çətinlik çəkdiyi anları da sosial şəbəkədə izləyiciləri ilə bölüşüb.
Qeyd edək ki, Aleyna bir neçə ay əvvəl Dubayda sevgili olduğu iş adamı Fatih Ərdəmlə nikah masasına oturub. Cütlüyün bir gün əvvəl İstanbulda toyu olub.
