Tramp 4 milyon insanın ölümünə səbəb olacaq
ABŞ Prezidenti Donald Tramp “Öncə Amerika” siyasəti çərçivəsində xarici yardımları 90 günlüyünə dayandıran sərəncam imzalayıb.
Sfera.az xarici mediaya istinadən xəbər verir ki, bu qərar, QİÇS-lə mübarizə üçün nəzərdə tutulan PEPFAR proqramının maliyyələşdirilməsini də əhatə edir.
Beynəlxalq qurumlar xəbərdarlıq edir ki, yardım kəsintiləri davam edərsə, 2030-cu ilə qədər QİÇS-lə bağlı 4 milyon insan həyatını itirə bilər. Yalnız Uqandada ölüm halları beş dəfə arta, yeni yoluxmalar isə dörd dəfə çoxala bilər.
PEPFAR-ın əsas maliyyə dəstəyi verdiyi Zimbabve və Uqandada klinikalar bağlanır, dərman çatışmazlığı yaranır və xəstəxanalar xəstələri geri qaytarır. UNAIDS rəsmiləri bildirir ki, hər gün 2300 yeni yoluxma baş verir və bu templə pandemiyanın sona çatması mümkün deyil.
Fidan Hacızadə
