Suriya prezidentinin həbsxana şəkilləri yayılıb - FOTO
Suriyanın Prezidenti Əhməd Şaranın ABŞ işğalı dövründə İraqda yerləşən Taçi həbsxanasında saxlandığı və həmin vaxt çəkilmiş fotolarının yayımlanması böyük rezonans doğurub.
Sfera.az xarici mediaya istinadən xəbər verir ki, 61 illik BƏƏS rejiminin devrilməsindən sonra Suriyada formalaşdırılan ilk hökumətə rəhbərlik edən Prezident Əhməd Şara həm ölkə daxilində, həm də beynəlxalq aləmdə diqqətlə izlənilir.
Onun rəhbərliyi ilə qurulan yeni idarəetmə islahatçı xətti ilə təqdir olunur.
Yeni yayılan fotolarda Şaranın İraqdakı Taçi həbsxanasında olduğu vaxt çəkilmiş görüntüləri əks olunur. Bu fotolar ictimaiyyətə ilk dəfə təqdim olunur və sosial şəbəkələrdə müxtəlif reaksiyalarla qarşılanıb.
Digər tərəfdən, bir neçə gün əvvəl "Time" jurnalı tərəfindən hazırlanan “Dünyanın Ən Təsirli 100 Şəxsi” siyahısında Əhməd Şara “Liderlər” kateqoriyasında ön sıralarda yer alıb. Siyahıda bu il xüsusilə siyasi və sosial dəyişikliklərə təsir göstərən şəxslər seçilib.
Əhməd Şaranın keçmişinə dair yayılan bu fotolar, onun lider kimi keçdiyi yola dair yeni müzakirələrə səbəb olub.
Bəsti Rəfizadə
