Jewel Şupinq adlı qadın illərlə kor olmaq arzusu ilə yaşayıb. Gözləri tamamilə sağlam olsa da, özünü heç vaxt görmə qabiliyyətinə malik insan kimi hiss etməyib. Uşaqlıqdan bu arzu ilə yaşayan Şupinq, nəhayət, geri dönüşü olmayan bir qərar verib. O, gözlərinə kanalizasiya təmizləyicisi qoyaraq öz əli ilə görmə qabiliyyətini məhv edib.

Bəs buna səbəb nədir?

Sfera.az bu maraqlı hadisənin təfərrüatlarını təqdim edir:

Jewel Shuping (Şupinq) öz istəyi ilə görmə qabiliyyətini itirməyi seçib. O, daim kor olmaq istəyirdi, ona görə də özünü kor edib.

Jewel Şupinqin görmə qabiliyyəti ilə bağlı heç bir problemi olmayıb.

Gözləri tam sağlam olub. Amma özünü heç vaxt “görən insan” kimi hiss etməyib. Hələ uşaq ikən kor olmağın necə olacağını təsəvvür edir və hətta bununla bağlı ssenarilər də yaradırdı. Əsa ilə gəzmək, eynək taxmaq, qaranlıqda dolaşmaq onun üçün sadəcə oyun deyildi.

Yetkinlik yaşına yaxınlaşdıqca bu istək arzu olmaqdan çıxaraq ehtiyaca çevrilir.

Şupinq kor insanların istifadə etdiyi Brayl əlifbasını öyrənib. Görən adam olsa da, addım-addım öz həyatını kor kimi yaşamağa başlayıb.
2006-cı ildə Jewel həyatının ən radikal qərarını verib.

O, həmin vaxt terapevtlə görüşürdü və bu terapevtin də baş verənlərdən xəbəri olduğu iddia edilir. Şupinqin görmə qabiliyyətini məhv edəcək qədər güclü kimyəvi maddə onun gözünə atılıb. Bəzi mənbələrə görə, bu maddə drenaj açıcı və ya ağardıcı idi.

Nəticə? Gözləri daimi zədələnmişdi. Şuping o gündən tamamilə kor olub.

“Mən indi əsl şəxsiyyətəm”

Bu hadisə üzə çıxdıqdan sonra böyük əks-səda ilə qarşılanıb. Onun adı tez-tez sosial şəbəkələrdə, xəbər bülletenlərində və sənədli filmlərdə çəkilirdi. Milyonlarla insan görmə qabiliyyətini qorumaq üçün mübarizə apararkən, onun şüurlu şəkildə bu qərarı geniş tənqidlərə səbəb olub.

Lakin Şuping peşman deyil. O, kor olduqdan sonra ilk dəfə "əsl şəxsiyyətini tapdığını" deyir. Onun sözlərinə görə, indi kim olduğu ilə barışır. Çünki o, özünü həmişə kor insan kimi hiss edirdi.

Bu hekayəni eşidəndə insan təəccüblənir: “Niyə kimsə belə bir şey istəyir?” deyə soruşur.

Cavab əslində tibbdədir: BIID (Bədən bütövlüyünün şəxsiyyət pozğunluğu). Bu pozğunluq o deməkdir ki, insan öz bədənində sağlam əza, hiss istəmir və ona yad hiss edir.

Jewel Şupinqdə də məhz belədir. Onun gözləri həmişə onun üçün artıq görünüb.

Aynil

Uşaqlığından bəri kor olmaq istəyən və gözlərinə kimyəvi maddələr tökən qadın - FOTO