ABŞ-ın Arizona ştatında itkin düşən körpəni bir gecə ümidsiz axtarışlardan sonra it xilas edib. İki yaşlı uşaq evinin yolunu tapmaq üçün təxminən 11 kilometr piyada gedib.

Sfera.az bildirir ki, bu barədə yerli hüquq-mühafizə orqanları Facebook-da məlumat yayıb.

Boden Allen 14 aprel bazar ertəsi günü təxminən 1000 əhalisi olan ucqar Seliqman qəsəbəsində yoxa çıxıb. Uşağın yerli vaxtla saat 17 radələrində itkin düşdüyü bildirilir.

Polis uşağın fotosunu yayımlayıb, lakin onun geyiminin, o cümlədən pijama altlığı və köynəkinin ətraflı təsvirinə baxmayaraq, axtarış ilkin olaraq heç bir nəticə verməyib.

Qaranlıq çökən kimi onlarla xilasedici çətin əldə edilən ərazini darayıb, hətta helikopter də cəlb edib. Yaxşı xəbər əvəzinə ekipaj həyəcan verici məlumat verib: axtarış bölgəsində iki puma görünüb. Hava da axtarışlara mane olub, gecələr havanın temperaturu 4-10 dərəcə aşağı düşüb.

Ertəsi gün səhər yerli sakin Scotty Dunton şəhərə getməyə hazırlaşarkən heyrətamiz bir şey baş verib.

"Şəhərə getməzdən əvvəl itkin bir uşaq haqqında eşitdim və həyətimdən çıxarkən itimin girişdə oturduğunu gördüm. Başımı qaldırdım və orada kiçik bir uşaq dayanmışdı".

Maraqlısı odur ki, macərası zamanı balaca Boden təxminən 11 kilometr yol qət edib - bu, onun evindən Dunton rançosuna qədər olan təxmini məsafədir. Oğlandan bütün gecəni yolda olub-olmadığını soruşduqda o, ağacın altında yatdığını, sonra it tərəfindən tapıldığını bildirib.

"Buford çoban iti evi qoruyurdu və uşağı təhlükəsiz yerə gətirdi. Oğlanın yaxşı olmasına inanılmaz dərəcədə sevindim. İt əla iş gördü. O, axşam yeməyinə biftek alacaq" - deyə sahibi bildirib.

Aysel

İt səhrada itmiş uşağı evə gətirdi - FOTO